Day: May 11, 2017

அமெரிக்க புலனாய்வுத்துறை இயக்குனரை பதவி நீக்கினார் டிரம்ப்

அமெரிக்க அதிபர் டிரம்ப், உள்நாட்டு புலனாய்வுத் தலைவர் ஜேம்ஸ் கோமியை பதவி நீக்கம் செய்துள்ளார்.  ஹிலாரி கிளின்டன் இ-மெயில் தொடர்பான குற்றச்சாட்டுகளின் அடிப்படையில் அவர் பதவி நீக்கம் செய்யப்பட்டார் எனத் தெரியவந்துள்ளது. இதனை குறித்து குடியரசு கட்சியினர் பலரும் வரவேற்றுள்ள நிலையில், எதிர்கட்சியான ஜனநாயக கட்சியினர், “டிரம்ப் – ரஷ்யா குறித்த புலனாய்வில் கோமி எடுக்கவிருந்த சில நடவடிக்கைகளாலேயே அவர் பதவி நீக்கம் செய்யப்பட்டார்” என்று வாதிடுகின்றனர். 2013 -ல் ஜேம்ஸ் கோமி அப்போதைய அதிபர்  பராக் …

அமெரிக்க புலனாய்வுத்துறை இயக்குனரை பதவி நீக்கினார் டிரம்ப் Read More »

Share

மின்னணு ஓட்டுப்பதிவு இயந்திர விவகாரம்: அனைத்து கட்சி கூட்டம்

புதுடெல்லி: மின்னணு வாக்குப்பதிவு இயந்திர சர்ச்சை குறித்து விவாதிப்பதற்காக அனைத்து கட்சிகளின் கூட்டத்தை தேர்தல் ஆணையம் இன்று டெல்லியில் கூட்டியுள்ளது. 5 மாநில சட்டப்பேரவை தேர்தலில் தோல்வி அடைந்த காங்கிரஸ், பகுஜன் சமாஜ், ஆம் ஆத்மி உள்பட பல கட்சிகள் தேர்தல் தோல்விக்கு மின்னணு வாக்குப்பதிவு இயந்திரத்தில் நடந்த முறைகேடுகள்தான் காரணம் என்று குற்றம்சாட்டின.மின்னணு வாக்குப்பதிவு இயந்திரத்தில் எந்த கட்சி வேட்பாளருக்கு வாக்களித்தாலும் பாஜவுக்கே வாக்குகள் விழும் வகையில் இயந்திரத்தில் முறைகேடு செய்யப்பட்டு இருந்ததாகவும் குற்றம்சாட்டப்பட்டது.மின்னணு வாக்குப்பதிவு இயந்திர முறைகேடுகள் தொடர்பாக பல வழக்குகளும் நீதிமன்றத்தில் தாக்கல் செய்யப்பட்டுள்ளன. ஆனால்மின்னணு வாக்குப்பதிவு இயந்திரத்தில் முறைகேடு செய்ய முடியாது என தேர்தல் ஆணையம் திட்டவட்டமாக மறுத்து வருகிறது.இந்நிலையில், தற்போது தேர்தலில் பயன்படுத்தப்படும் மின்னணு வாக்குப்பதிவு இயந்திரங்களில் முறைகேடுகள் செய்ய முடியும் என்பதை டெல்லி சட்டப்பேரவையில் ஆம் ஆத்மி கட்சி செயல் விளக்கம் மூலம் 2 தினங்களுக்கு முன்பு நிருபித்துக் காண்பித்தது. ஆனால், தேர்தல் ஆணையத்தில் உள்ள நவீன மின்னணு வாக்குப் பதிவு இயந்திரத்தில் அவ்வாறு முறைகேடு செய்ய இயலாது. பாதுகாப்பு நிறைந்தது என்று தேர்தல் ஆணையம் மறுத்தது.இதற்கிடையே, மின்னணு வாக்குப்பதிவு இயந்திரத்தின் நம்பகத்தன்மை குறித்து விளக்கவும் அனைத்து கட்சிகளின் கூட்டத்தை தேர்தல் ஆணையம் டெல்லியில் இன்று கூட்டியுள்ளது. இதில், வாக்காளர்களுக்கு பணம் தரும் வேட்பாளர்களை தகுதி நீக்கம் செய்வது, அவர்களை கைது செய்வது உள்ளிட்டவை தொடர்பாக மக்கள் பிரதிநிதித்துவச் சட்டத்தில் திருத்தம் கொண்டு வருவது குறித்தும் இதில் ஆலோசிக்கப்படும் என்று தெரிகிறது.* தேர்தல் ஆணையம் இன்று கூட்டியுள்ள கூட்டத்தில் முக்கியமாக, மக்கள் பிரதிநிதித்துவ சட்டத்தில் திருத்தம் கொண்டு வருவது பற்றி ஆலோசிக்கப்பட உள்ளது.* தேர்தலில் வாக்காளர்களுக்கு பணம் கொடுக்கும் வேட்பாளர்களை தகுதி நீக்கம் செய்வது, வாரன்ட் இல்லாமல் அவர்களை கைது செய்வது, அதிகளவில் பணம் கொடுக்கப்பட்டது தெரியவந்தால் உடனடியாக தேர்தலை ரத்து செய்வது போன்ற கடும் நடவடிக்கைகள் எடுப்பதற்கு வசதியாக உரிய சட்டம் கொண்டுவருவது பற்றி ஆலோசிக்கப்பட உள்ளது.* ஒப்புகை சீட்டுடன் கூடிய நவீன மின்னணு வாக்குப்பதிவு இயந்திரம் பயன்படுத்துவது பற்றியும், தேர்தல் ஆணையத்திடம் உள்ள மின்னணு வாக்குப்பதிவு இயந்திரத்தின் நம்பகத்தன்மை குறித்து செயல் விளக்கம் செய்து காண்பிக்கவும் தேர்தல் ஆணையம் ஏற்பாடு செய்துள்ளது.* இந்த ஆலோசனை கூட்டத்தில் கலந்து கொள்ள 7 தேசிய கட்சிகள் மற்றும் 49 மாநில கட்சிகளுக்கு அழைப்பு விடுவிக்கப்பட்டுள்ளது. தமிழகத்தில் அதிமுக இரண்டாக உடைந்து தேர்தல் ஆணையத்தில் சின்னம் முடக்கப்பட்டுள்ளது. இந்நிலையில், எடப்பாடி பழனிச்சாமி தலைமையிலான அணியும் ஓ.பன்னீர்செல்வம் தலைமையிலான அணியும் கலந்து கொள்ள உள்ளன.

Share

முத்தலாக் பற்றி ஆராய உச்ச நீதிமன்றம் முடிவு

புதுடெல்லி: பெண்களுக்கு விவகாரத்து வழங்க முஸ்லிம் மதத்தினர் பின்பற்றும் முத்தலாக் நடைமுறை, அந்த மதத்தின் அடிப்படை உரிமையா என்று ஆராயப்படும் என்று உச்ச நீதி மன்றம் கூறியுள்ளது. முஸ்லிம் மதத்தில் பெண்களுக்கு விவகாரத்து வழங்க பின்பற்றப்படும் முத்தலாக் நடைமுறைக்கு எதிர்ப்பு தெரிவித்து அந்த மதத்தைச் சேர்ந்த பெண் ஒருவர் உச்ச நீதிமன்றத்தில் 5 தனி ரிட் மனுக்களை தாக்கல் செய்தார். இது தவிர மேலும் 2 மனுக்கள் வெவ்வேறு நபர்களால் தாக்கல் செய்யப்பட்டுள்ளது. மேலும், அதில், நிக்கா ஹலாலா, பலதார மணம் உள்ளிட்டவற்றுக்கும் எதிர்ப்பு தெரிவிக்கப்பட்டுள்ளது. அதேசமயம், அனைத்து இந்திய முஸ்லிம் தனிநபர் சட்ட வாரியம் முத்தலாக் முறைக்கு ஆதரவாக உச்ச நீதிமன்றத்தில் கருத்து தெரிவித்தது. இந்த மனுக்கள் மீதான விசாரணை கோடை விடுமுறை அமர்வில் தினசரி விசாரணைக்கு எடுத்து கொள்ளப்படும் என்று அப்போது உச்ச நீதிமன்றம் கூறியது. முஸ்லிம் மதத்தினர் பின்பற்றும் முத்தலாக், நிக்கா ஹலாலா, பலதார மணம் உள்ளிட்டவற்றுக்கு மத்திய அரசு உச்ச நீதிமன்றத்தில் கடந்த ஆண்டு அக்டோபர் 7ம் தேதி எதிர்ப்பு தெரிவித்தது குறிப்பிடத்தக்கது.  உச்ச நீதிமன்ற அறிவிப்புபடி, கோடை விடுமுறை கால அமர்வு முன்பு நேற்று இந்த வழக்கு விசாரணைக்கு வந்தது. இந்த அமர்வில் தலைமை நீதிபதி ஜே.எஸ்.கெஹர், நீதிபதிகள் குரியன் ஜோசப், ஆர்.எப்.நாரிமன், யூ.யூ.லலித் மற்றும் அப்துல் நசீர் ஆகியோர் இடம்பெற்றிருந்தனர். அப்போது நீதிபதிகள் கூறியதாவது:  பெண்களுக்கு விவகாரத்து வழங்க முஸ்லிம் மதத்தினர் பின்பற்றும் முத்தலாக் நடைமுறை அந்த மதத்தின் அடிப்படை உரிமையா என்பது பற்றி ஆராயப்படும். அதேசமயம், பலதார மணம் குறித்து ஆராயப்படாது. அது முத்தலாக் பிரச்னைக்கு தொடர்பு இல்லாதது. உச்ச நீதிமன்றம் கேட்கும் 2 கேள்விகளுக்கு தங்களது தரப்பு வாதத்தை முன்வைக்க இரு தரப்பினருக்கும் 2 நாட்கள் வழங்கப்படும். அதேசமயம், எதிர்வாதம் செய்ய இரு தரப்பினருக்கும் ஒரு நாள் வழங்கப்படும். தங்களது எந்த கருத்துக்களையும் தெரிவிக்கலாம். ஆனால், ஒரே கருத்தை திரும்ப திரும்ப கூறக் கூடாது. முஸ்லிம் மதத்தின் அடிப்படையில்  முத்தலாக் செல்லுமா செல்லாதா என்பதில்தான் இருதரப்பினரும் கவனம் செலுத்த வேண்டும். இவ்வாறு அவர்கள் கூறினர்.5 நீதிபதிகளும் வெவ்வேறு மதத்தை சேர்ந்தவர்கள்உச்ச நீதிமன்றத்தில் முத்தலாக் மனுவை விசாரிக்கும் 5 பேர் கொண்ட அமர்வில் உள்ள நீதிபகள் ஒவ்வொருவரும் மாறுப்பட்ட மதத்தை சேர்ந்தவர்கள் என்பது குறிப்பிடத்தக்கது. தலைமை நீதிபதி ஜே.எஸ்.கெஹர் சீக்கியர். நீதிபதி குரியன் ஜோசப் கிறிஸ்துவர், நீதிபதிகள் ஆர்.எப்.நாரிமன் மற்றும் யூ.யூ.லலித்  ஆகியோர் முறையே பார்சி மற்றும் இந்து மதத்தை சேர்ந்வர்கள். நீதிபதி அப்துல் நசீர் இஸ்லாமியர்.

Share

ஜனாதிபதி பதவிக்கு எதிர்கட்சிகளின் வேட்பாளர்

புதுடெல்லி: ஜனாதிபதி பதவிக்கு, எதிர்க்கட்சிகளின் சார்பில் பொது வேட்பாளராக யாரை நிறுத்துவது என்பது குறித்து தீவிர ஆலோசனை நடந்து வருகிறது. இதில் சரத்பவார், மீரா குமார், சரத் யாதவ், கோபால் காந்தி ஆகியோரின் பெயர்கள் அடிபடுகின்றன. ஜனாதிபதி பிரணாப் முகர்ஜியின் பதவிக்காலம் ஜூலையில் முடிவடைகிறது. இதைத் தொடர்ந்து, புதிய ஜனாதிபதியை தேர்ந்தெடுக்கும் தேர்தல், விரைவில் அறிவிக்கப்பட உள்ளது. இந்நிலையில், பாஜ.வுக்கு எதிராக இந்த தேர்தலில் பொது வேட்பாளரை நிறுத்த எதிர்க்கட்சிகள் தீவிர ஆலோசனையில் உள்ளன.இதுதொடர்பாக பெரிய எதிர்க்கட்சியான காங்கிரஸ் கட்சியின் தலைவரான சோனியா காந்தியை, சமீபகாலமாக பல்வேறு கட்சித் தலைவர்கள் சந்தித்து பேசி வருகின்றனர். ஏற்கனவே இந்திய கம்யூனிஸ்ட் சார்பில் டி.ராஜா, மார்க்சிஸ்ட் சார்பில் சீத்தாராம் யெச்சூரி, ஐக்கிய ஜனதா தளம் தலைவர் சரத் யாதவ் உள்ளிட்டோர் சந்தித்து பேசியுள்ளனர். தற்போது சிகிச்சையில் இருக்கும் சோனியா, வீடு திரும்பியதும் அவருடன் திமுக செயல் தலைவர் மு.க.ஸ்டாலின் ஆலோசனை நடத்துவார் என்று எதிர்பார்க்கப்படுகிறது.எதிர்க்கட்சிகளின் சார்பில் எல்லோராலும் ஏற்றுக் கொள்ளப்படக்கூடிய ஒரு தலைவரை பொது வேட்பாளராக நிறுத்தலாம் என்று அதன் தலைவர்கள் ஆலோசித்து வருகின்றனர். இதன் அடிப்படையில் ஒவ்வொரு கட்சியில் இருந்தும் பெயர்கள் கோரப்பட்டு, அதில் தற்போது 4 தலைவர்களின் பெயர்கள் முன்னணியில் இருப்பதாக, மூத்த எதிர்க்கட்சித் தலைவர்களில் ஒருவர் தெரிவித்தார். இதுகுறித்து அவர் கூறுகையில், ‘‘ஜனாதிபதி பதவிக்கான எதிர்க்கட்சிகளின் பொது வேட்பாளர் பட்டியலில், தேசியவாத காங்கிரஸ் தலைவர் சரத்பவார், முன்னாள் மக்களவை சபாநாயகர் மீரா குமார், ஐக்கிய ஜனதா தளம் தலைவர் சரத் யாதவ், மேற்குவங்க மாநில முன்னாள் கவர்னர் கோபால் காந்தி ஆகிய 4 பேரின் பெயர்கள் முன்னணியில் உள்ளன. இதில் இருந்து ஒருவர் வேட்பாளராக நிறுத்தப்படலாம். விரைவில் இதற்கான முடிவு எடுக்கப்படும்’’ என்றார்.

Share
Scroll to Top